Награди
Спортски натпревари
Врвните професионални спортисти во ракомет во нашата земја, произлезени од нашето училиште и град: Гордана Нацева, Кире Лазаров, Благојче Крстев и други, сведочат за активностите и успесите на активот по спорт и спортски активности. Учениците во нашето училиште се вклучени во сите спортски дисциплини: кошарка, одбојка, ракомет, мал фудбал, столни тенис и кросеви.
Секоја година активно земаат учество во најразлични спортски натпревари: општински, зонски и републички натпревари за младинци и младинки. Континуирано учество земаат во патрониот празник на нашето училиште, по чиј повод се организираат спортски натпревари меѓу нашето и други училишта во Република Македонија: Скопје, Куманово, Пробиштип, Крива Паланка, Струмица, Кратово.
Во зимскиот период редовно се одржуваат еднодневни екскурзии каде учениците се вклучени во различни спортски активности ( скијање, планинарење ) и друго. Учениците своите спортски активности ги изведуваат во општинската сала „ Цар Самоил “ во близина на нашето училиште, проект на МОН.
Од основањето на училиштето, па сè до денес број на признанија, награди и благодарници постојано се зголемува, а во последните десетина година се освоени следниве награди и признанија.
2000 година- III место одбојка жени по повод патрониот празник
2002 година- III место кошарка- младинки/ младинци- зонско првенство
2003 година- I место мал фудбал- патронен празник
2003 година- I место кошарка мажи/ жени – Куманово
2003 година- II место младинки- зонски натпревари – Куманово
2003 година- II место- кошарка – Куманово
2006 година- III место мал фудбал во спортски натпревари- Пробиштип
Тракторски натпревари
Заедницата на Земјоделските училишта секоја година организира Републички тракторски натпревар на средните земјоделски, ветеринарни и шумарски училишта во Република Македонија. СОУ „ Кочо Рацин “- Свети Николе е редовен учесник на овој Републички тракторски натпревар. Самото училиште досега беше домаќин на овие натпревари во 1977 и 1987, како и организатор на 40- от Државен натпревар на средните земјоделски училишта, кој е оценет како еден од најдобро организираните натпревари. На натпреварите училиштето секоја година освојува голем број на награди, признанија и е едно од најуспешните во таа област во сите категории: вешто возење и орање -мажи, вешто возење и орање – жени, органско земјоделско производство, распознавање на коски и органи, препознавање на семиња и плевели, аранжирање на цвеќе, анатомија на домашни животни и севкупен победник.
Во 2011 година на 41- от државен тракторски натпревар одржан во Кавадарци, нашите ученици освоија прво место во дисциплината „ аранжирање на цвеќе “ под менторство на предметниот наставник Благица Петрова. За потребите на реализирање на практичната настава за хортикултура е воспоставена соработка со Цвеќара „Жаки“ на која изразуваме благодарност за подготовка и несебична ангажираност за обука на учениците кои учествуваа на натпреварот и освоија прво место.
