Ученички дом
Ученичкиот дом при СОУ „Кочо Рацин“ – Свети Николе е воспитно-образовна установа и има својство на правно лице со упис во судскиот регистар во 1982 година како организација на здружен труд за воспитување, исхрана и сместување на ученици.
Домот е од посебен општествен интерес, преку кој се остваруваат целите: воспитување и образување на младите кои доаѓаат од другите општини и поодалечените места од општината од каде нема организиран превоз на ученици до училиштето. Домот денес работи како Јавен ученички дом за сместување на учениците од средно образование. Покрај обезбедувањето на основните животни потреби и услови на учениците како: простор, храна, лична хигиена, време за одмор и учење, домот е реализатор и организатор за развивање на интелектуалните способности, здравствено-хигиенските навики, развивање на психофизички способности, културно однесување и естетско воспитание како и правилно насочување на користење на слободното време и слободните активности.
