170 Средношколци од тринаесет средни училишта, вклучувајки го и нашето СОУ „Кочо Рацин“, учествуваа на овогодинешниот Медиумски ден организиран од страна на Институтот за комуникациски студии, осма година по ред. Нашите ученици имаа можност да видат како се создава вест и кои се постапките за откривање на веродостојноста на истата. Учениците имаа и задача да создадат своја вест за поминатиот ден.

Учениците се стекнаа со искуства и знаење за медиумскиот свет, а неизбежна беше и дружбата со врсниците од другите училишта. Учениците сега се побогати со ново искуство и свесни за опасноста, но и добрата страна на напредокот на технологијата која ни доаѓа.